Şəki rayonu Zunud kənd sakini Arif İdrisovun evindən pul və qızıl-zinət əşyaları oğurlanıb.

Daxili İşlər Nazirliyindən hia.az-a verilən məlumata görə, soyğunçular həyətdən çıxmaq istəyərkən ev sahibi tərəfindən yaxalanıblar.

O, hadisə barədə Şəki ŞRPŞ-yə məlumat verib və polis əməkdaşları hadisə yerinə baxış keçiriblər. Aparılmış ilkin araşdırmalarla soyğunçuluğu edən şəxslərin Yevlax rayon sakinləri, əvvəllər məhkum olunmuş Nazdı Mahmudova və Seyran Nadirova olduqları müəyyən edilib.

Dilənçilik fəaliyyəti ilə məşğul olan qadınlar evə qanunsuz daxil olaraq oradan 1166 manat pulu və qızıl-zinət əşyalarını götürüb evdən çıxmaq istəyərkən ev sahibi A.İdrisov tərəfindən yaxalanıblar.

Faktla bağlı ŞRPŞ-nin İstintaq bölməsində cinayət işi başlanılıb, araşdırma aparılır.