Dövlət Miqrasiya Xidmətinin (DMX) əsas fəaliyyət istiqamətlərindən biri də qanunsuz miqrasiyaya qarşı mübarizə tədbirləridir. Ötən il Xidmət tərəfindən miqrasiya qanunvericiliyinin tələblərinin pozulması ilə bağlı 19 min 210 qərar qəbul edilib. Bu rəqəm 2017-ci ilin müvafiq dövründə 21 min 678 nəfər olub.
AZƏRTAC xəbər verir ki, bu fikirləri 2018-ci il üzrə Dövlət Miqrasiya Xidmətinin fəaliyyətinə dair əsas statistik rəqəmləri media nümayəndələrinin diqqətinə çatdıran Xidmətin rəisi Vüsal Hüseynov deyib.
V.Hüseynov vurğulayıb ki, bu da ötən dövrlə müqayisədə miqrasiya qanunvericiliyinin tələblərini pozmuş şəxslərin sayında 11 faiz azalma deməkdir.