Rusiyada axtarışda olan şəxs Gəncədə saxlanılıb.
Daxili İşlər Nazirliyinin mətbuat xidmətindən AZƏRTAC-a bildiriblər ki, Rusiya Federasiyasının Cinayət Məcəlləsinin 228-ci maddəsi (narkotik vasitələrin qanunsuz dövriyyəsi) ilə axtarışda olan E.Məmmədov Gəncə Rayonlararası Mühafizə İdarəsinin əməkdaşları tərəfindən saxlanılıb. Həmin şəxs Kəpəz Rayon Polis İdarəsinə təhvil verilib.