Amerika Birləşmiş Ştatlarının prezidenti Donald Tramp əmindir ki, ABŞ və Rusiya gələcəkdə xoş münasibətləri bərpa edə biləcəklər.
hia.az xəbər verir ki, Ağ Ev rəhbəri bu barədə özünün "Twitter" səhifəsində yazıb.
Mən Rusiyayla Obamadan, Buşdan və ya Klintondan daha sərt idim. Eyni zamanda, tez-tez deyirəm - Rusiya Federasiyası ilə yola getmək yaxşıdır, pis deyil. Mən inanıram, biz nə vaxtsa yenidən Rusiya ilə yaxşı münasibətlərə malik olacağıq", - deyə Amerika lideri yazıb.
Qeyd edək ki, ABŞ Federal Təhqiqatlar Bürosu (FTB) prezident Donald Trampın Rusiyanın xeyrinə çalışıb-çalışmamasına dair araşdırmaya başlayıb.