Bu mövsüm "Roma"dakı performansı ilə diqqətləri üzərinə çəkən Çingiz Ünderə Avropanın böyük klubları elçi düşüb.

Fanat.az İtaliyanın "Corriere dello Sport" qəzetinə istinadən xəbər verir ki, hazırda türk futbolçunu "Barselona", "Bavariya", "Tottenhem" "Mançester Yunayted" və "Arsenal" heyətinə qatmaq istəyir.

Qəzet iddia edir ki, artıq "Arsenal"ın Çingiz üçün təklifi də hazırdı. "Qarabağ"ın Avropa Liqasındakı keçmiş rəqibi türk futbolçu üçün 32 milyon avro təklif edir.

Amma "Roma" 21 yaşlı futbolçunu bu məğləğə satmaq istəmir. İtaliya klubu Ünder üçün 50 milyon avro tələb edir.

Qeyd edək ki, "Roma" Çingizi ötən yay "Başakşəhər"dən 13,4 milyon avroya alıb. 21 yaşlı futbolçu cari mövsümdə meydana çıxdığı 20 rəsmi matçda 5 qol vurub və 6 məhsuldar ötürmə edib.