Roma "Latsio”su xorvat yarımmüdafiəçisi Milan Badeli bu qış 10 milyon avroya sata bilər.
Fanat.Az-ın İtaliya mətbuatına istinadən məlumatına görə, "Zenit” 29 yaşlı Badelin xidmətində maraqlıdı. Argentinalı Leandro Paredesi PSJ-yə satmağa hazırlaşan Rusiya klubu onun yerinə Badeli düşünür. İtalyan həmkarlarımız "Fiorentina”nın da Xorvatiya millisinin üzvünə elçi düşdüyünü, bununla belə, qarşı tərəfə 10 milyon avro verməyə hazırlaşmadığını yazıb.
Bu mövsüm Roma təmsilçisində 12 oyun keçirən Badelin qol və məhsuldar ötürmə ilə yadda qalmadığını da diqqətinizə çatdıraq.