Yanvarın 25-də Əmək və Əhalinin Sosial Müdafiəsi Nazirliyində övladlığagötürmə sahəsində qanunçuluğun təkmilləşdirilməsi sahəsində aparılan işlərlə əlaqədar mətbuat konfransı keçirilib.
AZƏRTAC xəbər verir ki, nazirliyin şöbə müdiri Sabir Qocayev övladlığa götürənlərin uçotu, bu sahədə bir sıra vacib mexanizmlərin hazırlanması və bununla əlaqədar nazirliyin elektron sistemində altsistemin yaradılması barədə məlumat verib.
Onun verdiyi məlumata görə, bundan ötəri nazirlikdə işçi qrupu yaradılıb, qanunçuluğun təkmilləşdirilməsi ilə bağlı psixoloq, hüquqşünas və vəkillər, eləcə də beynəlxalq məsləhətçi şirkətlərlə məsləhətləşmələr aparılacaq.