Yaponiya hökuməti Cənubi Koreyaya etiraz notası göndərib.

Buna Cənubi Koreyaya məxsus tədqiqat gəmisinin iki ölkə arasındakı mübahisəli adalara yaxınlaşması səbəb olub.

Rəsmi Tokio bildirib ki, Yaponiyanın icazəsi olmadan Takesima arxipelaqına gəmilərin yaxınlaşması qəbuledilməz haldır.

Qeyd edək ki, Cənubi Koreyanın Tokto arxipelaqı adlandırdığı adalar İkinci Dünya müharibəsindən etibarən iki ölkə arasında mübahisə obyektidir.