Dekabrın 22-də Üzeyir Hacıbəyli adına Bakı Musiqi Akademiyasında “Metodika və xüsusi pedaqoji hazırlıq” kafedrasının tələbə və şagirdlərinin Yeni il qabağı yekun konserti olub.

AZƏRTAC xəbər verir ki, konsertdə iştirakçılar arasında Bakı-Oksford məktəbinin (Baku-Oxford School) “Foundation I” üzvü, 4 yaşlı Cəmel Dadaşzadə fortepianoda balaca zərif barmaqlarıyla “Uşaq pyesi”ni məharətlə ifa edib. Balaca ifaçının çıxışı tamaşaçılar tərəfindən marağa səbəb olub və alqışlarla qarşılanıb.