Avropa Şurası Parlament Assambleyasının (AŞPA) bir çox üzvləri Azərbaycanın müstəqilliyini bərpa etdikdən sonra keçdiyi sürətli inkişaf yolunu düzgün qiymətləndirə bilmirlər.

Bu fikri AŞPA-nın üzvü Georgi Logvinski AZƏRTAC-a müsahibəsində bildirib.

Deputat qeyd edib ki, azərbaycanlılar öz ölkələrinin bugünkü uğurları ilə fəxr etməlidirlər. “Bəzi avropalı həmkarlarımdan xahiş edirəm ki, Azərbaycandakı müsbət dəyişiklikləri, inkişafı görsünlər. Yaxşı olar ki, onlar Avropadakı münaqişələrin, eləcə də Dağlıq Qarabağ münaqişəsinin həlli yolları barədə düşünsünlər. Çünki münaqişələr bütün qitədə gələcək sülhü və sabitliyi sual altında qoyur”, - deyə o vurğulayıb.