Çempionlar Liqasında qrup mərhələsinə yekun vurulub.

Fanat.az xəbər verir ki, turnirin 1/8 final mərhələsinə və Avropa Liqasına vəsiqə qazanan bütün komandalar müəyyənləşib.

Çempionlar Liqasının 1/8 final mərhələsində ən çox komanda ilə İngiltərə təmsil olunacaq - 4. İspaniya və Almaniyadan 3, Fransa və İtaliyadan 2 komanda mərhələ adlayıb. Portuqaliya və Hollandiyanın isə bir təmsilçisi 1/8 finala çıxıb.

Çempionlar Liqası: Mançester Siti, Tottenhem, Liverpul, Mançester Yunayted (hamısı İngiltərə), Real, Barselona, Atletiko (üçü də İspaniya), Borussiya (Dortmund), Bavariya, Şalke 04 (üçü də Almaniya), PSJ, Lion (ikisi də Fransa), Yuventus, Roma (ikisi də İtaliya), Portu (Portuqaliya), Ayaks (Hollandiya).

Avropa Liqasına vəsiqə qazanan 8 komandadan 2-si İtaliyanı təmsil edir. Türkiyə, İspaniya, Belçika, Portuqaliya, Ukrayna və Çexiyanın isə bir təmsilçisi bu hüqüqa sahib olub:

Avropa Liqası: İnter, Napoli (ikisi də İtaliya), Qalatasaray (Türkiyə), Valensiya (İspaniya), Brügge (Belçika), Benfika (Portuqaliya), Şaxtyor (Ukrayna), Viktoriya (Çexiya).