hia.az
hia.az

Akşener Ankarada özünə ofis açır - Məqsədi nədir?

39 dəfə baxılıb 11-06-2024, 11:43

Akşener Ankarada özünə ofis açır - Məqsədi nədir?


Türkiyədə İYİ Partiyanın sabiq sədri, keçmiş daxili işlər naziri Meral Akşener paytaxt Ankara şəhərində ofis kirayələyib.

Bunu tanınmış jurnalist İsmail Saymaz açıqlayıb.

Onun sözlərinə görə, siyasətçi Ankaranın Çankaya rayonunda Türkiyə Böyük Millət Məclisinə çox yaxın məsafədə yerləşən binanın (Cinnah prospekti 57) ikinci mərtəbəsində ofis tutub. Jurnalist artıq daşınma işlərinin başladığını diqqətə çatdırıb.

Akşenerin ofisi hansı məqsədlə tutduğu, siyasi proseslərə təsir etmək niyyətində olub-olmadığı bəlli deyil. Lakin bir neçə gün öncə onun İYİ Partiyanın sabiq sədri qismində Türkiyə prezidenti Rəcəb Tayyib Ərdoğanla görüşməsi partiyasında və bütövlükdə müxalifətdə birmənalı qarşılanmayıb. Görüşün detalları ictimaiyyətə açıqlanmayıb.

Xatırladaq ki, Cümhuriyyət Xalq Partiyasının (CHP) keçmiş lideri Kemal Kılıçdaroğlu da sədrlikdən getdikdən sonra Ankarada ofis açmışdı.


XƏBƏR LENTİ
BÜTÜN XƏBƏRLƏR
SƏHİYYƏ
DÜNYA
TƏQVİM
«    Temmuz 2024    »
PtSaÇrPrCuCtPz
1234567
891011121314
15161718192021
22232425262728
293031 
MƏZƏNNƏ
 Valyuta məzənnəsi