hia.az
hia.az

“The Korea Herald”: Azərbaycan xalçaları valehedici ilmələri və incə naxışları nümayiş etdirir

227 dəfə baxılıb 5-12-2018, 15:53

“The Korea Herald”: Azərbaycan xalçaları valehedici ilmələri və incə naxışları nümayiş etdirirAzərbaycanda xalçalar əsrlər boyu multikultural cəmiyyətin və irsin zəruri hissəsini formalaşdıraraq toxunub. Qəşəng rəng kompozisiyasını, mürəkkəb naxışları və ornamentləri əks etdirən xalçaları azərbaycanlılarla yanaşı, əcnəbilər də yüksək qiymətləndirirlər.

AZƏRTAC xəbər verir ki, bu fikirlər Cənubi Koreyanın nüfuzlu “The Korea Herald” qəzetində “Azərbaycan xalçaları valehedici ilmələri və incə naxışları nümayiş etdirir” başlıqlı məqalədə əks olunub.

Azərbaycanın Koreya Respublikasındakı səfirliyi və Koreya Fondunun birgə təşkilatçılığı, “Azərxalça” ASC-nin dəstəyi ilə Seul şəhərində davam edən “Xalçalar-Azərbaycanın inciləri” adlı sərgidən bəhs edən müəllif yazır ki, tədbir Azərbaycan xalçalarının bu ölkədə təbliğinə və tanıdılmasına kömək edəcək. Bildirilir ki, Koreyada Azərbaycan xalçalarının ilk sərgisində 9 xalçaçılıq məktəbinə aid 18 xalça nümayiş olunur.

Ölkəmizin Koreya Respublikasındakı səfiri Rəmzi Teymurovun sərginin açılış mərasimindəki çıxışından sitat gətirən qəzet yazır ki, Azərbaycan xalçaçılıq sənəti 2010-cu ildə UNESCO-nun Qeyri-Maddi Mədəni İrsin Reprezentativ Siyahısına daxil edilib, dünyada ilk ixtisaslaşmış xalça muzeyi məhz Azərbaycanda təsis olunub.

Azərbaycan xalçaları ABŞ-da Ağ evdə və Dövlət Departamentində, habelə Luvr, Metropolitan, Viktoriya Albert incəsənət muzeylərində, eləcə də Ermitajda nümayiş etdirilir.

“The Korea Herald” oxucularına Azərbaycan xalçalarının dünyada tanıdılmasının Prezident İlham Əliyev və birinci xanım Mehriban Əliyevanın himayəsi altında olduğunu bildirib.

Noyabrın 26-da açılan və dekabrın 19-dək davam edəcək “Xalçalar-Azərbaycanın inciləri” sərgisi barədə Koreyanın “The Korea Post” qəzeti, “NDNnews” xəbər portalı və digər kütləvi informasiya vasitələri də reportajlar hazırlayıblar.


XƏBƏR LENTİ
BÜTÜN XƏBƏRLƏR
SƏHİYYƏ
DÜNYA
TƏQVİM
«    Mart 2024    »
PtSaÇrPrCuCtPz
 123
45678910
11121314151617
18192021222324
25262728293031
MƏZƏNNƏ
 Valyuta məzənnəsi