Bakıda avtoxuliqanlıq hərəkətləri edən sürücü yolda hərəkət edən avtomobillərə qəza şəraiti yaradıb. Avtosfer.az xəbər verir ki, 10-OT-717 qeydiyyat nişanlı "Hyundai" markalı avtomobilin sürücüsü aprelin 2-i paytaxtın Fətəli xan Xoyski küçəsində hərəkət edərkən dəfələrlə manevr qaydasını pozaraq görüntünü qeydə alan sürücüyə qəza şəraiti yaradıb. O, daha sonra sürətini azaldaraq yolda hərəkəti məhdudlaşdırmağa çalışıb. Bununla da kifayətlənməyən sürücü sürətini artıraraq soldan sağa qəfil manevr edərək həm təhlükəli hərəkət edib, həm də sağ zolaqdakı avtomobillərə qəza vəziyyəti yaradıb.