2018-ci ildə Azərbaycandan 65,6 milyon dollarlıq elektrik enerjisi ixrac olunub.
Dövlət Gömrük Komitəsindən (DGK) AZƏRTAC-a bildirilib ki, ötən il ölkədən 1 milyard 397 milyon 323 min kilovat/saat elektrik enerjisi ixrac olunub. İxrac olunan elektrik enerjisinin dəyəri 65 milyon 627 min ABŞ dolları təşkil edib.
Xatırladaq ki, 2017-ci ildə Azərbaycandan 1 milyard 160 milyon 196 min kilovat/saat elektrik enerjisi ixrac edilib, həmin ixracın dəyəri isə 50 milyon 968 min dollar olub.