"Çelsi" 2017/18 mövsümü üçün maliyyə hesabatını açıqlayıb.

Fanat.az xəbər verir ki, Premyer Liqa klubu ötən mövsüm rekord məbləğdə gəlir əldə edib.

"Zadəganlar"ın illik gəliri 397 milyon avrodan 487 milyon avroya yüksəlib. Bu 22,7 faiz artım deməkdi. London klubu ilk dəfə 400 milyon funt-sterlinq (440 milyon avro) həddini keçib.

124 milyon avroluq futbolçu satışı sayəsində klub tarixi ərzində ən yüksək məbləğdə - 68,1 milyon avro təmiz gəlir götürüb. Daha böyük gəlir teleyayımdan əldə olunub. Bu məbləğ 45,8 milyon avrodan 224 milyon avroya yüksəlib. Bu, daha çox "Çelsi"nin Çempionlar Liqasına qayıdışı ilə əlaqədardı.