“Milan” gənc futbolçusu Daniel Maldini ilə peşəkar müqavilə imzalamağa hazırlaşır.

Qol.az-ın məlumatına görə, bu barədə İtaliya mətbuatı xəbər yayıb. Klubun əfsanəvi futbolçusu Paolo Maldininin 17 yaşlı oğlu “Milan”ın U-19 komandasında çıxış edir. Gənc hücumçu ilə digər klublar da maraqlandığından “Milan” onunla sözləşməni yeniləməyi qərar verib.Qeyd edək ki, D.Maldini bu mövsüm “Milan”da 11 oyuna 4 qol vurub.