Uruqvaylı futbolçu Sebastian Abreu 42 yaşında 28-ci klubu ilə anlaşıb.

Fanat.az xəbər verir ki, yayyda Çilinin "Magallanes" klubuna keçən "Dəli" ləqəbli futbolçu indi də Braziliyanın 4-cü liqa komandalarından "Rio Branko"ya transfer olunub.

Abreu indiyədək ölkəsində "Nasional", Meksikada "Tiqres", "Kruz Azul", Argentinada "River Pleyt", "San Lorenzo", Ispaniyada "Deportivo", "Real Sosyedad", Yunanistanda "Aris" və Braziliyada "Botafoqo" kimi məşhur klublar olmaqla 27 klubda çıxış edib. O, karyerası ərzində 33 dəfə klub dəyişdirib. Karyerasına 1995-ci ildə başlayan Abreu 1996-2012-ci illərdə Uruqvay millisində 70 oyun keçirərək 26 qol vurub.

"Dəli" 29-cu kluba transfer olunmaqla veteran futbolçular - ingilis Trevor Benjamin və Con Burricə çatıb.