2018-ci ilin ən yaxşıları adına namizədlər açıqlandı
Avropa Klublar Assosiasiyası və Avropa Futbol Agentləri Assosiasiyası "Globe Soccer Awards" versiyası üzrə 2018-ci ilin ən yaxşıları adına namizədləri açıqlayıb.
Fanat.az xəbər verir ki, namizədlər 3 nominasiya üzrə müəyyənləşdirilib. İlin klubu adına Çempionlar Liqasının finalçıları "Real" (İspaniya) və "Liverpul" (İngiltərə), həmçinin Avropa Liqasının qalibi "Atletiko" (İspaniya) namizəddi,
İlin məşqçisi adı uğrunda Didye Deşam (Fransa yığması), Dieqo Simeone ("Atletiko"), Yurgen Klopp ("Liverpul"), Massimiliano Alleqri ("Yuventus", İtaliya) və Zinəddin Zidan ("Real"ın sabiq baş məşqçisi) mübarizə aparacaq.
İlin oyunçusu mükafatına isə Kriştiano Ronaldo ("Real"/"Yuventus"), Antoine Qrizmann ("Atletiko") və Kilian Mbappe (PSJ, Fransa) iddialıdı.
Qeyd edək ki, mükafatlandırma mərasimi 2019-cu il yanvarın 3-də Birləşmiş Ərəb Əmirliklərinin Dubay şəhərində keçiriləcək.