Dekabrın 12-də saat 18:00 radələrində “102 - Zəng Mərkəzi”nə mobil telefonla zəng vuran şəxs üç ədəd bomba qoyulması barədə məlumat verib.

DİN-dən hia.az-a verilən xəbərə görə, məlumatla əlaqədar dərhal müvafiq tədbirlər görülüb, lakin fakt təsdiqini tapmayıb.

Polisə yalan məlumat verən şəxs - Şəmkir şəhər sakini, əvvəllər məhkum olunmuş Əkbər Həsənov Şəmkir Rayon Polis Şöbəsinin əməkdaşları tərəfindən müəyyən edilərək saxlanılıb.

Araşdırmalarla onun ağır dərəcəli sərxoş vəziyyətdə olması müəyyən edilib.

Faktla bağlı araşdırma aparılır.