“Bakı Telefon Rabitəsi” MMC-yə məxsus kabeli oğurlayan şəxs saxlanılıb VİDEO
“Bakı Telefon Rabitəsi” MMC-nin Sabunçu rayonundakı 4 saylı xidmətlər mərkəzindən rabitə kabelləri kəsilərək naməlum şəraitdə oğurlanıb.
Daxili İşlər Nazirliyinin mətbuat xidmətindən AZƏRTAC-a bildiriblər ki, bu barədə Sabunçu Rayon Polis İdarəsi 12-ci polis şöbəsinə məlumat daxil olan kimi dərhal araşdırmalara başlanılıb. Təxirəsalınmaz əməliyyat-axtarış tədbiri nəticəsində cinayəti törətməkdə şübhəli bilinən şəxs, əvvəllər məhkum olunmuş Bakı şəhər sakini Tarıyel Vəliyev saxlanılıb. Araşdırma zamanı həmin şəxsin telefon qovşağına məxsus dirəklərdən ayrı-ayrı vaxtlarda ümumilikdə 500 metr kabel oğurladığı müəyyənləşdirilib.
T.Vəliyev oğurladığı kabeli yandıraraq mis halında əlvan metal qəbulu məntəqələrinə satıb. Saxlanılan şəxs barəsində 12-ci polis şöbəsində toplanan materiallar araşdırılması üçün rayon polis idarəsinin istintaq şöbəsinə göndərilib, əməliyyat-istintaq tədbirləri davam etdirilir.
« May 2024 » | ||||||
---|---|---|---|---|---|---|
Pt | Sa | Çr | Pr | Cu | Ct | Pz |
1 | 2 | 3 | 4 | 5 | ||
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 |