İngiltərədə “AstraZeneca” vaksini vurulan yeddi nəfər qan laxtalanmasından ölüb.

Gundelikxeber.az xarici mətbuata istinadən bildirir, ölkədə “AstraZeneca” vaksini vurulan 18 milyon insanın 30 nəfərində qan laxtalanması müşahidə edilib. Hələlik bunun təsadüfi və ya vaksinin yan təsiri nəticəsində baş verib-vermədiyi məlum deyil. Qan laxtalanması ilə üzləşən 30 nəfərin 7-si dünyasını dəyişib.

Bununla belə mütəxəssislər vaksinin faydalarının onun yan təsirlərindən daha çox olduğunu bildirir.


Qeyd edək ki, bundan əvvəl İngiltərədə “Pfizer” vaksini vurulan 10 milyon insanın yalnız 2-də qan laxtalanması müşahidə edilmişdi.

Almaniyada isə “AstraZeneca” peyvəndi vurulan 2,7 milyon insanın 31-də qan laxtalanma qeydə alınmışdı. Onların 9 nəfəri vəfat edib. Araşdırmalara görə qan laxtalanması daha çox gənc və orta yaşlı qadınlarda görünüb.