Ağcabədi rayonunun Hindarx qəsəbəsi sakini Ə.Cənnətovu yanvarın 19-da qətlə yetirməkdə şübhəli bilinən şəxslərdən digəri də saxlanılıb.
Daxili İşlər Nazirliyinin mətbuat xidmətindən AZƏRTAC-a bildiriblər ki, M.Qasımov polis və prokurorluq orqanları əməkdaşlarının birgə keçirdikləri təxirəsalınmaz istintaq və əməliyyat-axtarış tədbirləri nəticəsində yaxalanıb.
Xatırladaq ki, cinayəti törətməkdə şübhəli bilinən digər şəxs - S.Mamedzadə isə ötən gün saxlanılaraq istintaqa cəlb edilib.